K 03751 (RINAP 1 Tiglath-pileser III 47) [Tiglath-pileser III][via rinap/sources]
| Obverse | |
| o 1o 1 | É.GAL mtukul-ti-A-é-šár-[ra LUGAL GAL-ú LUGAL dan-nu LUGAL ŠÚ LUGAL KUR aš-šur LUGAL KÁ.DINGIR.KI LUGAL KUR] ⸢šu-me⸣-ri u URI.KI LUGAL kib-rat LÍMMU-ti |
| o 22 | GURUŠ qar-du ša ina tu-kul-ti aš-⸢šur EN-šú kul-lat⸣ [la ma-gi-ri-šu GIM ḫaṣ-bat-ti ú-daq-qi-qu a]-⸢bu⸣-biš is-pu-nu-ma zi-qi-qiš im-nu-ú |
| o 33 | LUGAL šá ina zi-kir aš-šur dšá-maš u dAMAR.UTU DINGIR.MEŠ GAL.MEŠ [DU.MEŠ-ma] ⸢ul⸣-[tu ÍD].mar-ra-ti ša É-mia-ki-ni a-di KUR.bi-ik-ni ša KUR dšam-ši |
| o 44 | ù tam-tim ša šul-mi dšam-ši a-di KUR.mu-uṣ-ri [ul-tu] ⸢AN⸣.ÚR a-di AN.PA KUR.KUR.MEŠ i-pe-lu-ma e-pu-šu šar-ru-us-si-in |
| o 55 | ul-tu SAG LUGAL-ti-ia a-di 17 BALA.MEŠ-ia LÚ.i-tu-⸢ʾu⸣ [LÚ.ru-bu]-⸢ʾu⸣ LÚ.ḫa-mar-a-ni LÚ.lu-ḫu-ú-a-tu LÚ.ḫa-tal-lu LÚ.ru-ub-bu-ú ra-pi-qu LÚ.ḫi-ra-a-nu LÚ.ra-bi-DINGIR |
| o 66 | LÚ.na-ṣi-ru LÚ.gu-lu-su LÚ.na-ba-tu LÚ.ra-ḫi-qu LÚ.⸢ka⸣-[pi-ri] ⸢LÚ⸣.ru-um-mu-lu-tu LÚ.a-di-le-e LÚ.gib-re-e LÚ.ú-bu-du LÚ.gu-ru-mu LÚ.ḫu-da-du LÚ.ḫi-in-di-ru |
| o 77 | LÚ.da-mu-nu LÚ.du-na-nu LÚ.ni-il-qu LÚ.ra-de-e LÚ.da-⸢i⸣-[x]-⸢nu? LÚ⸣.ú-bu-lu LÚ.kar-ma-ʾu LÚ.am-la-tu LÚ.ru-ʾu-a LÚ.qa-bi-ʾu LÚ.li-iʾ-ta-a-ú LÚ.ma-ru-su |
| o 88 | LÚ.a-ma-tu LÚ.ḫa-ga-ra-a-nu URU.BÀD-ku-ri-gal-zi URU.a-di-⸢in⸣-[ni URU].⸢bir⸣-tu ša sa-ar-ra-gi-ti URU.bir-tu ša la-ab-ba-na-at URU.bir-tu ša URU.kar-dEN-KUR.KUR |
| o 99 | LÚ.a-ru-mu DÙ-šú-nu ša šid-di ÍD.IDIGNA ÍD.A.ŠÌTA ù ÍD.su-rap-[pi] ⸢a⸣-di lìb-bi ÍD.uq-né-e ša GÚ tam-tim šap-li-ti ak-šud di-ik-ta-šú-nu a-duk šal-la-su-nu áš-lu-la |
| o 1010 | LÚ.a-ru-mu ma-la ba-šu-u a-na mi-ṣir KUR aš-šur.KI ú-ter-ra-áš-šu-nu-ti-⸢ma⸣ LÚ.šu-ut SAG-ia LÚ.EN.NAM UGU-šú-nu áš-kun ina UGU DU₆ kam-ri ša URU.ḫu-mut i-qab-bu-šú-u-ni |
| o 1111 | URU DÙ-uš URU.kar-aš-šur MU-šú ab-bi UN.MEŠ KUR.KUR ki-šit-ti ŠU.II-ia ina lìb-bi ú-še-rib ina sip-par NIBRU.KI KÁ.DINGIR.RA.KI bár-sipa.KI GÚ.DU₈.A.KI ⸢kiš.KI⸣ dil-bat.KI ù UNUG.KI ma-ḫa-zi la šá-na-an |
| o 1212 | UDU.SISKUR.MEŠ KÙ.MEŠ a-na dEN dNUMUN.DÙ-ti dAG dtaš-me-tum dU.GUR dla-aṣ ⸢DINGIR⸣.MEŠ GAL.MEŠ EN.MEŠ-ia aq-qí-ma i-ra-mu LÚ.SANGA-ú-ti KUR.kár-ddu-ni-áš DAGAL-tu a-na paṭ gim-ri-šá a-bél-ma |
| o 1313 | e-pu-šá LUGAL-ú-sa LÚ.pu-qu-du GIM sa-pa-ri as-ḫu-up di-ik-ta-šú-nu ⸢a⸣-duk šal-la-su-nu ma-at-tu áš-lu-la LÚ.pu-qu-du šu-a-tu URU.la-ḫi-ru ša i-di-bi-ri-i-na URU.ḫi-li-im-mu |
| o 1414 | URU.pi-il-lu-tu ša pat-ti KUR.e-lam-ti a-na mi-ṣir KUR aš-šur.KI ú-ter-⸢ra⸣ ina ŠU.II LÚ.šu-ut SAG-ia LÚ.GAR.KUR URU.ar-rap-ḫa am-nu KUR.lab-du-du ma-la ba-šu-u as-su-ḫa-am-ma |
| o 1515 | ina qé-reb KUR aš-šur.KI ú-šá-aṣ-bit KUR.kal-du a-na si-ḫir-ti-šú ḫu-ḫa-riš as-⸢ḫu⸣-up ša mdAG-ú-šab-ši A mši-la-a-ni di-ik-ta-šú ina i-ta-at URU.sa-ar-rab-a-ni URU-šú a-duk |
| o 1616 | ù šá-a-šú meḫ-re-et KÁ.GAL URU-šú a-na GIŠ.za-qi-pi ú-še-li-šu-ma ú-⸢šad⸣-gi-la KUR-su URU.sa-ar-rab-a-nu ina ši-pi-ik ⸢SAḪAR.ḪI.A⸣ [ù GIŠ].⸢šu⸣-pi-i ak-šud 50 LIM 5 LIM UN.MEŠ a-di mar-ši-ti-šú-nu |
| o 1717 | šal-la-su NÍG.ŠU-šú NÍG.GA-šú DAM-su DUMU.MEŠ-šú DUMU.MUNUS.MEŠ-šú ù DINGIR.MEŠ-šú áš-lu-la ⸢URU⸣ šu-a-tú a-di URU.MEŠ-ni ša li-me-ti-šú ap-[púl aq-qur ina IZI áš]-⸢ru⸣-up-ma a-na DU₆ u kar-me ú-ter |
| o 1818 | URU.tar-ba-ṣu URU.ia-bal-lu ak-šud 30 LIM UN.MEŠ a-di mar-ši-ti-šú-nu [NÍG].ŠU-šú-nu NÍG.GA-šú-nu u DINGIR.MEŠ-šú-nu ⸢áš⸣-[lu-la URU.MEŠ šu]-a-tu-nu a-di URU.MEŠ-ni ša li-me-ti-šú-nu |
| o 1919 | ki-ma DU₆ a-bu-bi ú-ab-bit mza-qi-ru DUMU mšá-ʾa-al-li i-na a-⸢de⸣-e DINGIR.MEŠ GAL.MEŠ iḫ-ṭi-ma it-ti [nak-ri-ia iš-ku-na] ⸢pi⸣-i-šú a-na šá-a-šú a-di LÚ.GAL.MEŠ-šú ina ŠU.II ú-ṣa-bit |
| o 2020 | bi-ra-a-ti AN.BAR ad-di-šú-nu-ti-ma a-na KUR aš-šur.KI al-qa-a UN.MEŠ KUR.É-šá-ʾa-al-li ip-la-ḫu-ma URU.BÀD-[dKASKAL.KUR-a-a URU] ⸢LUGAL⸣-ti-šú-nu a-na dan-nu-ti-šú-nu iṣ-ba-tu |
| o 2121 | URU šu-a-tu i-na bé-ru-ti ù GIŠ.né-pe-ši ak-šud-ma qaq-qa-riš ⸢am⸣-nu 40 LIM 5 ME UN.MEŠ a-di mar-ši-ti-šú-nu šal-la-su-[nu NÍG.ŠU]-⸢šú⸣-nu NÍG.GA-šú-nu DAM-su DUMU.MEŠ-šú DUMU.MUNUS.MEŠ-šú ù DINGIR.MEŠ-ni-šú áš-lu-la |
| o 2222 | URU.am-li-la-tu ak-šud UN.MEŠ a-di mar-ši-ti-šú-nu šal-la-su NÍG.ŠU-šú NÍG.⸢GA⸣-šú áš-lu-la KUR.É-šá-ʾa-al-li a-na si-ḫir-ti-šú a-bu-biš as-pu-un-ma ú-šaḫ-ri-ba da-ád-me-šú |
| o 2323 | KUR.KUR.MEŠ šu-a-ti-na a-na mi-ṣir KUR aš-šur.KI ú-ter-ra mGIN-NUMUN DUMU m⸢a⸣-muk-ka-a-ni ina URU.sa-pe-e URU LUGAL-ti-šú e-sir-šú di-ik-ta-šú ma-at-tu ina IGI KÁ.GAL.MEŠ-šú a-duk |
| o 2424 | GIŠ.KIRI₆.MEŠ GIŠ.mu-suk-kan-ni ša ṭe-eḫ BÀD-šú a-kis-ma 1-en ul e-zib GIŠ.⸢GIŠIMMAR⸣.MEŠ-šú ša pi-rik KUR-šú a-duk-ma ú-ḫi-nu-šú áš-muṭ-ma ú-mal-la-a qer-ba-a-ti gi-mir URU.MEŠ-ni-šú |
| o 2525 | ap-púl aq-qur ina IZI áš-ru-up KUR.É-ši-la-a-ni KUR.É-a-muk-ka-a-ni u ⸢KUR⸣.É-šá-ʾa-al-li a-na si-ḫir-ti-šú-nu ki-ma DU₆ a-bu-bi ú-ab-bit a-na DU₆ u kar-me ú-ter |
| o 2626 | ma-da-tu ša mba-la-su DUMU mdak-ku-ri mna-di-ni UD.UD.⸢AK⸣-a-a KÙ.BABBAR ⸢KÙ⸣.GI ni-siq-ti NA₄.MEŠ am-ḫur mdAMAR.UTU-A-SUM.NA DUMU mia-ki-ni LUGAL tam-tim ša ina LUGAL.MEŠ-ni AD.MEŠ-ia a-na ma-ḫar ma-am-man la il-li-kam-ma |
| o 2727 | la ú-na-áš-ši-qa GÌR.II.MEŠ-šú-un pul-ḫi me-lam-me ša aš-šur EN-ia is-ḫu-pu-šú-ma ⸢a⸣-na URU.sa-pi-ia a-di maḫ-ri-ia il-li-kam-ma ú-na-áš-ši-qa GÌR.II.MEŠ-ia KÙ.GI e-per KUR-šú a-na ma-aʾ-de-e |
| o 2828 | šu-kut-ti KÙ.GI NA₄ GÚ.MEŠ KÙ.GI ni-siq-ti NA₄.MEŠ bi-nu-ut tam-tim GIŠ.⸢ÙR⸣.MEŠ GIŠ.⸢ESI GIŠ.el⸣-lu-tu Ú.LAL Ú.LÚ-a-nu lu-bul-ti bir-me ŠIM.ḪI.A DÙ-ma GU₄.MEŠ u ṣe-e-ni ma-da-ta-šú am-ḫur |
| o 2929 | KUR.nam-ri KUR.É-sa-an-gi-bu-ti KUR.É-ḫa-am-ban KUR.su-mur-zu KUR.ba-ar-⸢ru⸣-a KUR.É-zu-al-za-áš KUR.É-ma-at-ti URU.ni-qu ša KUR.tup-li-ia-áš KUR.É-tar-an-za-a-a KUR.par-su-a KUR.É-za-at-ti |
| o 3030 | ⸢KUR.É⸣-ab-da-da-ni KUR.É-kap-si KUR.É-sa-an-gi KUR.É-ur-zak-ki KUR.É-d15 URU.zak-ru-ti KUR.gi-zi-ni-ki-is-si KUR.ni-iš-šá-a URU.ṣi-bu-ur URU.ú-ri-im-za-an KUR.ra-ʾu-ú-sa-an |
| o 3131 | [KUR].⸢ú⸣-pa-ri-a KUR.bu-us-tu-us KUR.a-ri-ar-mi KUR DAR.LUGAL.MEŠ.MUŠEN KUR.sa-⸢ak⸣-su-uk-ni KUR.a-ra-qu-ut-tu KUR.kar-zi-ib-ra KUR.gu-kin-na-na KUR.É-sa-ag-ba-at KUR.si-il-ḫa-zi |
| o 3232 | [ša] ⸢dan⸣-nu-tú ša DUMU KÁ.DINGIR.RA.KI i-qab-bu-šú-u-ni KUR.ru-ú-<a> a-di KUR É.MUN KUR.uš-qaq-qa-a-na KUR.ši-ik-ra-ki ša KÙ.GI na-ge-e ša KUR.ma-da-a-a KAL.MEŠ a-na paṭ gim-ri-šú-nu ḫu-ḫa-riš ak-tùm-ma |
| o 3333 | [di]-ik-ta-šú-nu ma-at-tu a-duk 60 LIM 5 ME UN.MEŠ a-di mar-ši-ti-šú-⸢nu⸣ ANŠE.KUR.RA.MEŠ-⸢šú⸣-nu ANŠE.GÌR.NUN.NA.<MEŠ>-šú-nu ANŠE.ud-ra-a-ti-šú-nu GU₄.MEŠ-šú-nu ṣe-e-ni-šú-nu a-na la ma-ni áš-lu-la |
| o 3434 | [URU].⸢MEŠ⸣-ni-šú-nu ap-púl aq-qur ina IZI áš-ru-up a-na DU₆ u kar-me ú-ter KUR.nam-ri KUR.É-sa-an-gi-bu-ti KUR.É-ḫa-am-ban KUR.su-mur-zu KUR.É-bar-ru-a KUR.É-zu-al-za-áš |
| o 3535 | [KUR.É]-ma-at-ti URU.niq-qu ša KUR.tup-li-ia-áš KUR.É-tar-an-za-a-⸢a⸣ KUR.pa-ar-su-a KUR.É-za-at-ti KUR.É-ab-da-da-ni KUR.É-kap-si KUR.É-sa-an-gi KUR.É-ur-zak-ki URU.É-d15 |
| o 3636 | [URU].⸢zak⸣-ru-ti ša KUR.ma-da-a-a KAL.MEŠ a-na mi-ṣir KUR aš-šur.KI ú-ter-ra URU.MEŠ-ni ša qer-bi-šú-nu a-na eš-šú-ti DÙ-uš GIŠ.TUKUL aš-šur EN-ia ina lìb-bi ar-mi UN.MEŠ KUR.KUR ki-šit-ti ŠU.II-ia ina ŠÀ ú-še-rib |
| o 3737 | [x LÚ].šu-ut SAG-ia LÚ.EN.NAM.MEŠ UGU-šú-nu áš-kun ṣa-lam LUGAL-ti-ia ina KUR.ti-ik-ra-⸢ak-ki URU.É-d⸣15 URU.ṣi-bu-ur KUR.a-ri-ar-mi KUR DAR.LUGAL.MEŠ.MUŠEN |
| o 3838 | [KUR.si]-⸢il⸣-ḫa-zi ša dan-nu-tu ša DUMU KÁ.DINGIR.RA.KI i-qab-bu-šú-ni ul-ziz ma-⸢da⸣-[tu ša KUR.ma-da]-⸢a⸣-a KUR.el-li-pa-a-a ù EN.URU.MEŠ-ni ša KUR-e DÙ-šú-nu a-di KUR.bi-⸢ik-ni⸣ |
| o 3939 | [x x] ⸢ANŠE.KUR.RA⸣.MEŠ ANŠE.GÌR.NUN.NA.MEŠ ANŠE.ud-ra-a-ti GU₄.MEŠ ù ṣe-e-⸢ni a-na la ma⸣-[ni am-ḫur mir-an-zu KUR.man-na]-⸢a⸣-a qur-di ta-nit-ti ša aš-šur EN-ia ša ina KUR.MEŠ-e DÙ-šú-nu ⸢e⸣-[te-ep-pu-šú iš-me-ma] |
| o 4040 | [me-lam]-⸢me⸣ aš-šur EN-ia is-ḫu-pu-šu-ma a-na URU.BÀD-mtukul-ti-A-é-šár-ra ša [... a]-⸢di⸣ maḫ-ri-ia il-li-kam ú-na-⸢áš-ši⸣-[qa GÌR.II-ia ...] |
| o 4141 | [ANŠE.KUR].⸢RA.MEŠ⸣ ANŠE.GÌR.NUN.NA.MEŠ GU₄.MEŠ ù ṣe-e-ni GIŠ.til-li [...] |
| o 4242 | [LÚ.šu]-⸢ut SAG⸣-ia maš-šur-KAL-in-a-ni a-na KUR.ma-da-a-a KAL.MEŠ ša KUR d⸢šam⸣-[ši áš-pur 5 LIM ANŠE.KUR.RA.MEŠ UN.MEŠ GU₄.MEŠ ù ṣe-e-ni a-na la ma-ni il-qa-a] |
| o 4343 | [KUR.ul-lu]-ba KUR.ḫab-ḫu a-na gi-mir-ti-šú ak-šud a-na mi-ṣir KUR aš-šur GUR-ra [(...) ina qé-reb KUR.ul-lu-ba URU DÙ-uš URU.aš-šur-BA-šá MU-šú ab-bi] |
| o 4444 | [É.GAL mu]-⸢šab⸣ LUGAL-ti-ia ina lìb-bi ad-di GIŠ.TUKUL aš-šur EN-ia ina lìb-bi ar-mi UN.MEŠ ⸢KUR⸣.[KUR ki-šit-ti ŠU.II-ia i-na lìb-bi ú-še-šib ...] |
| o 4545 | [md15-BÀD KUR.ú]-ra-ar-ṭa-a-a msu-lu-ma-al KUR.me-lid-da-a-a mtar-ḫu-⸢la⸣-[ra KUR.gúr-gu-ma-a-a ...] |
| o 4646 | [... m]⸢ku⸣-uš-ta-áš-pi KUR.ku-muḫ-a-a a-na ka-šá-di šá-la-li [mi-ṣir KUR aš-šur ...] |
| o 4747 | [... ina] ⸢bi⸣-rit KUR.kiš-ta-an ù KUR.ḫal-pi na-ge-e ša KUR.⸢ku⸣-[muḫ-ḫi BAD₅.BAD₅-šú-nu SÌG-ma (ana la ma-né-e) ...] |
| o 4848 | [da-me qu-ra]-⸢di⸣-šú-nu ÍD.si-in-zi ÍD-tu ki-ma na-ba-si [aṣ-ru-up ...] |
| o 4949 | [nap-ḫar?] ⸢KARAŠ?-šú⸣-nu e-kim-šú-nu-ti ina MURUB₄ ⸢ti⸣-[du-ki-ma ...] |
| o 5050 | [...] x ⸢GIŠ.NÁ.MEŠ LUGAL-ti⸣ [...] |
| (missing) | |
| Reverse | |
| rr | (missing) |
| r 1'1' | [...]-ma ina ⸢IZI áš-ru⸣-[up fsa-am-si la-pa-an GIŠ.TUKUL.MEŠ-ia KAL.MEŠ taš-ḫu-ut-ma ANŠE.A.AB.BA.MEŠ MUNUS.ANŠE.a-na-qa-a-te a-di ANŠE.ba-ak-ka-ri-ši-na] |
| r 2'2' | [a-na KUR aš]-šur a-di maḫ-ri-ia ⸢ta⸣-[áš-šá-a LÚ.qe-e-pu ina muḫ]-ḫi-⸢šá áš-kun⸣-[ma 10 LIM LÚ.ERIM.MEŠ ...] |
| r 3'3' | [URU.ma-as]-⸢ʾa⸣-a-a URU.te-ma-a-a URU.sa-ab-ʾa-a-a URU.ḫa-a-a-ap-pa-a-a URU.ba-da-na-a-a ⸢URU⸣.[ḫa-at-ti-a-a LÚ.i-di-ba-aʾ-il-a-a ... ša mi-ṣir KUR.KUR] |
| r 4'4' | [ša šu-lum d]UTU-ši ša mám-ma la i-du-šú-nu-ti-ma a-šar-šú-un ru-ú-qu ta-nit-ti be-lu-ti-ia [al-ka-ka-at qur-di-ia iš-mu-ma ú-ṣal-lu-ú be-lu-ti] |
| r 5'5' | [KÙ.GI KÙ].BABBAR ANŠE.A.AB.BA.MEŠ MUNUS.ANŠE.a-na-qa-a-ti ŠIM.ḪI.A DÙ-a-ma ma-da-ta-šú-nu ki-i 1-en a-di ⸢maḫ⸣-[ri-ia ú-bi-lu-nim-ma ú-na-áš-ši-qu GÌR.II-ia] |
| r 6'6' | [mi]-⸢di⸣-bi-ʾi-i-li a-na LÚ.Ì.DU₈-ú-ti ina UGU KUR.mu-uṣ-ri áš-ku-un i-na KUR.KUR.MEŠ DÙ-ši-na šá x [...] |
| r 7'7' | [ma-da-at]-⸢tu⸣ ša mku-uš-ta-áš-pi KUR.ku-muḫ-a-a mú-ri-ik KUR.qu-u-a-a msi-bi-it-ti-bi-ʾi-il ⸢URU⸣.[gu-ub-la-a-a mḫi-ri-mu KUR.ṣur-ra-a-a mpi-si-ri-is URU.gar-ga-miš-a-a] |
| r 8'8' | [me-ni]-ìl KUR.ḫa-am-ma-ta-a-a mpa-na-am-mu-u URU.sa-am-ʾa-la-a-a mtar-ḫu-la-ra KUR.gúr-gu-ma-a-a msu-⸢lu⸣-[ma-al KUR.me-lid-da-a-a mda-di-i-lu URU.kas-ka-a-a] |
| r 9'9' | [mú]-⸢as⸣-sur-me KUR.ta-bal-a-a muš-ḫi-it-ti URU.tu-na-a-a mur-bal-la-a URU.tu-ḫa-na-a-a mtu-ḫa-am-[me URU.iš-tu-un-da-a-a mú-ri-im-mì-i URU.ḫu-bi-iš-na-a-a] |
| r 10'10' | [mma]-ta-an-bi-ʾi-il URU.ar-ma-da-a-a msa-ni-pu URU.É-am-ma-na-a-a msa-la-ma-nu KUR.ma-ʾa-ba-a-a mx-[...] |
| r 11'11' | [mmi]-ti-in-ti KUR.as-qa-lu-na-a-a mia-ú-ḫa-zi KUR.ia-ú-da-a-a mqa-uš-ma-la-ka KUR.ú-du-mu-a-a mmu-uṣ-x-[...] |
| r 12'12' | [mḫa]-a-nu-ú-nu URU.ḫa-za-at-a-a KÙ.GI KÙ.BABBAR AN.NA AN.BAR A.BÁR lu-bul-ti bir-me TÚG.GADA lu-bul-ti KUR-šú-nu SÍG.ZA.GÌN.SA₅ [...] |
| r 13'13' | [mim-ma] aq-ru bi-nu-ut tam-tim na-ba-li ṣi-bu-ta-at KUR-šú-nu ni-ṣir-ti LUGAL-ti ANŠE.KUR.RA.MEŠ ANŠE.GÌR.NUN.NA.MEŠ LAL-at GIŠ.ni-[ri ... am-ḫur] |
| r 14'14' | [mú]-as-sur-me KUR.ta-bal-a-a a-na ep-šet KUR aš-šur.KI ú-maš-šil-ma a-di maḫ-ri-ia la il-li-ka LÚ.šu-ut SAG-ia LÚ.GAL [SAG a-na KUR.ta-bal áš-pur ...] |
| r 15'15' | [mḫu]-ul-li-i DUMU la ma-ma-na ina GIŠ.GU.ZA LUGAL-ti-šú ú-še-šib 10 GUN KÙ.GI 1 LIM GUN KÙ.BABBAR 2 LIM ANŠE.KUR.RA.MEŠ [... ANŠE.GÌR.NUN.NA.MEŠ ta-mar-ta-šú am-ḫur] |
| r 16'16' | ⸢LÚ⸣.šu-ut SAG-ia LÚ.GAL SAG a-na URU.ṣur-ri áš-pur ša mmé-e-te-en-na URU.ṣur-ra-a-a 1 ME 50 GUN KÙ.GI [2 LIM GUN KÙ.BABBAR ta-mar-ta-šú am-ḫur] |
| r 17'17' | i-na uz-ni ni-kil-ti ḫa-sis-si pal-ke-e ša iš-ru-ka ABGAL DINGIR.MEŠ NUN dnu-dím-mud É.GAL GIŠ.⸢EREN⸣ [... ana mu-šab EN-ti-ia] |
| r 18'18' | ù É ḫi-it-la-an-ni tam-šil É.GAL KUR.ḫa-at-ti a-na mul-ta-ʾu-ti-ia ina qé-reb URU.kal-ḫi DÙ-uš [x KÙŠ GAL-tú šid-du 60 KÙŠ GAL-tú pu-ú-tu] |
| r 19'19' | mi-šiḫ-ti qaq-qa-ri-ša UGU É.GAL.MEŠ AD.MEŠ-ia maḫ-ra-a-ti ul-tu lìb-bi ÍD.IDIGNA ú-šá-⸢tir⸣-[ma aṣ-ṣa-ba-ta ...] x [x] |
| r 20'20' | gi-mir DUMU um-ma-a-ni ḫa-as-su-ti nak-liš ú-kàṣ-ṣip-ma ⸢ad⸣-[...] x x [x] |
| r 21'21' | 20 KÙŠ GAL-tu šu-pul A.MEŠ ez-zu-ti NA₄.pi-lu-ú dan-nu GIM ši-pik KUR-i áš-pu-uk-ma ú-[...]-⸢ma⸣ mi-le-⸢e⸣-[šá] |
| r 22'22' | tam-li-ši-in áš-kun-ma iš-di-šin ú-kin-ma ú-šaq-qí re-es-si-in 1/2 NINDA 2/3 KÙŠ É [... ú]-kàṣ-ṣir-ma |
| r 23'23' | IGI-et IM.SI.SÁ ú-maḫ-ḫi-ra KÁ.MEŠ-šin ina ZÚ AM.SI GIŠ.ESI GIŠ.TÚG GIŠ.mu-suk-kan-ni GIŠ.⸢EREN GIŠ.ŠUR⸣.[MÌN GIŠ.LI? ù?] GIŠ.dup-ra-a-ni |
| r 24'24' | bi-lat LUGAL.MEŠ-ni KUR.ḫat-ti mal-ki KUR.a-ri-me ù KUR.kal-di ša ina mé-tel qar-ra-du-ti-ia ú-šak-[ni-šú a]-⸢na⸣ GÌR.II-⸢ia⸣ [... áš]-⸢kun la-le⸣-e ú-mal-li |
| r 25'25' | 5 1/2 NINDA 4 KÙŠ ul-tu šu-pul A.MEŠ a-di pa-áš-qi ši-kit-ta-šin-<<ma>> e-ṣir-ma UGU É.GAL.MEŠ KUR.KUR ú-šar-[ri]-⸢ḫa⸣ ep-še-es-si-in |
| r 26'26' | GIŠ.ÙR.MEŠ GIŠ.EREN še-ḫu-ú-ti ša ki-i e-ri-iš GIŠ.ḫa-šur-ri a-na uṣ-ṣu-ni ṭa-a-⸢bu tar⸣-bit KUR.⸢ḫa⸣-[ma]-na KUR.lab-na-na ù KUR.am-ma-na-na |
| r 27'27' | ú-ṣa-lil-ši-na-ma a-na kun-ni-i ú-šá-lik a-na ṣur-ru-uḫ si-ma-a-ti ša ⸢GIŠ.ši⸣-gi-⸢ri⸣ [x] x NA₄.MEŠ ši-pir LÚ.pur-kúl-lu-ti ab-ni-ma us-si-ma KÁ |
| r 28'28' | GIŠ.IG.MEŠ GIŠ.EREN GIŠ.ŠUR.MÌN tu-ʾa-ma-te mu-na-aḫ-ḫi-šá e-ri-bi-ši-na ⸢e⸣-re-⸢si⸣-na i-ziq-qu lib-bu |
| r 29'29' | i-na me-sér za-ḫa-le-e ù <eš-ma-re-e> eb-bi ú-rak-kis-ma e-ma KÁ.MEŠ-ni ú-rat-ti UR.MAḪ.⸢MEŠ⸣ dALAD.MEŠ dLAMMA.MEŠ ša bi-na-te ma-aʾ-diš nu-uk-ku-lu ḫi-it-lu-pu ku-uz-bu |
| r 30'30' | né-re-bi ú-šá-aṣ-bit-ma a-na tab-ra-a-te ú-šá-az-zi-iz KUN₄.MEŠ IM.BABBAR NA₄.pa-ru-⸢ti⸣ i-na KI.TA-⸢šú⸣-nu aṣ-li-ma ú-nam-me-ra mu-ṣu-ú |
| r 31'31' | ù ṣa-lam ab-ni ma-ṣar šu-ut DINGIR.MEŠ GAL.MEŠ bi-nu-ut ZU.AB ki-šu-u ú-šá-as-ḫir-⸢ma⸣ pu-luḫ-tu ú-šar-ši |
| r 32'32' | sik-kàt kar-ri KÙ.GI KÙ.BABBAR ù ZABAR a-na šuk-lul-ti-ši-in al-me-ši-na-ti-ma ú-šá-an-bi-ṭa bu-un-ni-ši-in |
| r 33'33' | a-na šu-bat LUGAL-ti-ia at-ma-an šá-áš-ši ni-siq-ti NA₄.MEŠ ši-pir ⸢tam⸣-[le]-e ar-ma-a qé-reb-šá |
| r 34'34' | É.GAL.MEŠ-at ḫi-da-a-ti na-šá-a ḪÉ.GÁL-li ka-ri-ba LUGAL mu-lab-[bi]-⸢ra⸣ e-pi-ši-šin a-na šu-me-ši-in ab-bi |
| r 35'35' | KÁ.MEŠ me-šá-ri muš-te-šir di-in mal-ki ša kib-rat LÍMMU-ti mu-⸢šam⸣-[ḫi]-ru bi-lat KUR-e u ta-ma-a-ti |
| r 36'36' | mu-še-ri-bu ḫi-ṣib ad-na-a-ti a-na ma-ḫar LUGAL EN-šú-un az-[ku]-⸢ra⸣ zi-kir KÁ.MEŠ-ši-in |